我唔係唔讚成唱歌，我好支持
但我見各區遍地開花聚集咁多人唱歌...
我就有個小小嘅要求
就係唱歌嘅人只需要抽10分一人去補返自己區嘅連儂牆
各區連儂牆就唔會一直被打壓得體無完膚
最近一個月，文宣組面對運動以黎最大困難挑戰
印文宣嘅錢其實好貴，有時比前線勇武裝備仲貴
又要隱憂補牆時會唔會被藍屍攻擊
而對方亦愈黎愈組織性 清楚各區連儂牆
連儂牆係代表整個運動興衰
個作用係非常重要
如果唔係對方都唔會千方百計咁去攪破壞
係，無錯！
一向大家都唔會守牆 拆咪由佢
拆一貼十呀嘛
但最近已經無拆一貼十呢支歌仔唱
各區連儂牆被清得7788
相信班人仲會繼續清
希望大家真係自發或搵朋友組隊幫手補牆
1. 去fb 文宣收集處 download 最新文宣印，無錢就印黑白
2. 買支強力噴膠，3m super 77 大概70蚊支，文具鋪或油麻地 中南有
3. 唔好太夜補牆， 搵人組隊，一個睇水一個噴一個貼
4. 有人攪事就閃吧，唔洗理佢地，下次黎過
係 唱歌都有作用 畫面亦好靚 各有各做係ok
但行動post 文宣求救post 沉哂底 孤立無援
我就覺得每個人都需要關注運動被忽視而重要嘅抗爭行動
大家加油 堅持到底 做多少少 影響力好大
Search